Сауд қыз-келіншектері тұңғыш рет көлік жүргізетін болады.
Осы жылдың 24-ші маусымынан бастап нәзік жандылар Сауд Арабиясы аумағында автокөлік жүргізу құқығына ие болады. Бұл жөнінде корольдіктің транспорт министрі Мұхаммад әл-Басами мәлімдеді.
Оның айтуына қарағанда, «барлық дайындық шаралары сәтті аяқталған». Жуырда елде қыз-келіншектерге арналған бес автомектеп ашылатын болады, сәйкесінше, көлік жүргізу куәлігін шетелдерде алған әйелдер нұсқаушы ретінде қызмет етеді.
Естеріңізге сала кетсек, Сауд Арабиясы осы күнге дейін қыз-келіншектерге көлік жүргізуге тыйым салып келген әлемдегі тұңғыш ел болып табылған. Өткен жылдың қыркүйегінде қол қойылған Салман корольдің жарлығы бұл жағдайды түбегейлі өзгертті.
аsyldin.kz