2017 жылы әлемдегі халықаралық саяхатшылар саны 1,322 миллиард адамды құраған, бұл соңғы 8 жылдағы жоғары көрсеткіш болып табылады. Бұл жөнінде Дүниежүзілік туристік БҰҰ есептемесінде мәлімденген. 

Өткен жылы Еуропаға шамамен 671 миллион адам келген, Азия-Тынық мұхиттық аймағына – 324 миллион, Солтүстік және Оңтүтік Америкаға – 207 миллион, Африкаға – шамамен 82 миллион, Таяу Шығысқа – 58 миллион.

Ұйымның мәлімдеуінше, ғаламдық экономиканың біртіндеп қалпына келуі әлемдегі саяхатшылар санының өсуіне жақсы ықпал еткен.

Сарапшылардың болжауынша, келешекте халықаралық саяхатшылар саны бұдан да өседі. 2018 жылы саяхатшылар санының өсуі орташа есеппен 4-5% құрайтын болады.