Азаншылармен азанның айтылу сапасын арттыру мақсатында Тунис билігі тәжірибе жасап көруге бел буды.
Бұдан былай азаншыларды Мұхаммед ар-Рашид атындағы Тунис музыка институтында дайындайтын болады.
Дін істер министрі Ахмед Адумның айтуынша, тәжірибе нәтижесінде тунис мектебіне сәйкес азаншылардың жаңа буыны пайда болмақ.
Азаншылардың азанды дұрыс айтуын фонетика мен музыка саласындағы мамандар үйретеді деп жоспарлануда. Оқудың бірінші кезеңінде Тунистің ірі мешіттерінің азаншылары оқытылмақ, содан кейін елдегі барлық мұсылман ғибадатханаларының азаншылары қамтылатын болады.