Дохада (Катарда) заманауи архитектураның эталоны аталған сән-салтанаты келіскен жаңа мешіт бой көтерді. Ерекше мұнара, көлеңке мен жарықтың үйлесімді ішкі көрініс тұжырымдамасы, сөзсіз, арабтың өрме жазуы мен алтын — бәрі көздің жауын алардай. Саяхатшылар мен қажылардың айтуынша, бұл ғимарат шөлдің ортасына келіп қонған ғарыш кемесі іспетті.
Дохадағы ерекше ғибадатхананың құрылысы 2013 жылы басталған. Бүгінгі күні аталмыш кешен көкке созылған екі лента өз өрілісі тұсында мешіт кеңістігін түзейді.
Мешіттің негізгі сәулет элементі – араб өрме жазуымен көмкерілген әрі исламның бес шартын білдіретін орасан зор бес бағана болып табылады. Олардың маңайында шарап, сүт, бал және су болып ағатын Жұмақтың 4 өзенін білдіретін 4 ағын бар, олар бұрқақ болып бір жерден шығады.
Мешіттің орталық алаңы каллиграфиялық жазбалармен және геометриялық өрнектермен көмкерілген.
Мешіттің екі мұнарасы ғимараттың үйлесімді жалғасы болып табылады әрі олар бір жақта орналасқан. Олар биікке көтеріліп, Мекке жаққа еңкейген. Мұнаралардың биіктігі шамамен 90 метр және олар құлшылық бағытын көрсететін нұсқаушы қызметін де атқарады.
Мешіттің қабырғаларында – алтын михрабқа келіп түйісетін Құранның аяттары өрнектеліп жазылған.