Ұлыбританияның Сандерленд қаласындағы мектептердің бірінде күтпеген жерден шу көтерілді. Оқушыларға Мәдениеттану сабағынан берілген үй тапсырмасы ата-аналар наразылығын тудырып, жергілікті баспасөз құралдарының назарын өзіне аударған.

Дәлірек айтқанда, журналисттер қауымына мектептегі жөнсіздік жайында Марк Маклахан есімді азамат шағымданған. Оның айтуынша, мәдениеттану сабағының мұғалімі оқушыларға «Өзінің Ислам дінін қабылдағаны туралы жанұясына хат жазуды» тапсырған.

«Мен оқушылардың діндер жайлы көп біліп, мағлұматы болғанына қарсы емеспін. Алайда, небары 12-13 жастағы оқушыларға олардың не үшін дін қабылдайтыны туралы шығарма жазуды тапсыру – өрескел талап», – дейді Маклахан.

Мәдениеттану пәні мұғалімнің бұл «тапқырлығына» мұсылман ата-аналар да қарсы шығып, өздерінің келіспейтіндіктерін жеткізген. Бүгін оқушыларға «Ислам дінін қабылдағаны жайлы жанұяларына хат жазуды» тапсырса, ертеңгі күні оларға буддизм немесе индуизм дінін қабылдағаны жайлы шығарма жаздырмасына кім кепіл?!

Muslim.kz

«Расында сендерге Ибраһим (а.с.) және онымен бірге болғандарда бір көркем өнеге болды» [Мумтахана - 4].