Палестиналық Гассан Юнус әр күн сайын мұсылман әлемі үшін үшінші қасиетті орын – әл-Ақса мешітіне құлшылық жасауға келеді. Осы жерде ол мейірім шашқан мешітті маңайлаған «меймандарды» қоректендіруді де әдетке айналдырған.
Мешітте бой көрсетуіне көп өтпестен-ақ құстар мен мысықтар оны айнала қоршап алады. Юнус ақсақал оларға жем шашып, қоректерін береді. Ақсақалдың айтуынша, бұл Мұхаммед пайғамбардан (с.ғ.с.) қалған дәстүр болып табылады.
Пайғамбар құрмет көрсеткен жануарларға әсіресе Әбу Хурайра есімді сахабаның ерекше жақын болғаны тарихтан белгілі.
asyldin.kz
Пайғамбарымыздың(ﷺ): «Егер сендердің жануарларға жасаған қиянаттарың кешірілсе, онда көп күнәдан арылатын едіңдер», -деген.