Намаз оқығанда басты иіп тұруға бола ма?

 Намазда басты иіп тұру - қиямға еш зиянын тигізбейді. Сүннет пен құлшылықтың барлық әдебі сақталып оқылған намаз ғана кәміл намаз болып табылады. 

Адамзаттың асылы, ең көркем мінездің иесі - Алла Елшісі (ﷺ) құлшылықта болсын, күнделікті тұрмыс-тіршілікте болсын біз үшін ең үздік өнеге болып табылады.  

Сондықтан, шүбәсіз, құлшылықтың барлық әдебін сақтауды біз сүйікті Пайғамбарымыздан (ﷺ) үйренеміз.  Хадистердің бірінде Алла Елшісінің (ﷺ):

«Намазды мен оқығандай оқыңдар» - деп айтқаны келтірілген (Бұхари, Азан, 18).

Аталмыш хадисті негізге ала отырып намаз оқитын болсақ, онда төменде келтірілген әдепті ұстанамыз: қиямда тұрғанда сәждеде маңдайымыз тиетін жерге қарап тұру; рүқұғқа барғанда аяқтың бақайларына қарау; сәждеге барғанда мұрынға қарау; тәшәһһүд дұғасын оқу кезінде жамбасқа қарау; ал сәлем беру кезінде оң жақ және сол жақ иыққа қарау.

asyldin.kz