Ұйқыға жатардың алдында қандай дұғаларды оқығанымыз жөн?

 Пайғамбарымыздың (ﷺ) былай айтқаны келтірілген:

«Егер ұйықтардың алдында «Фатиха» мен «Ықлас» сүрелерін оқып жатсаң, өлімнен басқаның бәрінен сақталатын боласың» (Кензуль-Ирфан).

«Ұйқыға жатарда: «Алланың ашуынан, Оның құлдарының зұлымдығынан және шайтанның азғыруынан Оның мінсіз сөздерінен пана іздеймін», - деп айтыңдар».

Егер осы сөздерді айтар болсаңыз, онда кез-келген зұлымдық атаулыдан ада боласыз» (Әбу Дәуд, Тыбб, 19; Тирмизи, Дағуат, 90).

Сондай-ақ, тағы бір риуаятта Алла Елшісі (ﷺ) былай айтқан:

«Ұйқыға жатарда «Кафирун» сүресін оқыңдар. Бұл шіркке қатысы жоқтықты білдіреді» (Тирмизи, Дуа, 22).

asyldin.kz