Ассаламуалайкум мен үнемі ұйықтаған кезде бастырылып қаламын. Бастырылу деген не және одан құтылу үшін не істеу керек?

Уа алайкум ассалам. Бастырылу медицинада ұйқы салы деп аталады. Дәрігерлер қан айналымындағы ретсіздіктерден және психологиялық күйзелістерден туындайтындығын білдіріп былай дейді: Ұйқы кезінде физиологиялық сал жағдайы болады, бұлшықеттер қимылдай алмайды. Адам ұйқыдан оянған кезде әрекет ете алмайды, дыбыс шығара алмайды.

Үстімізде ауыр жүк бардай, біреу отырып алған сияқты болады. Біраздан соң өздігінен өтеді. Мұндай жағдай медицина тұрғысында ауруға жатпайды, сондықтан емделу жағын қарастыруды талап етпейді. Алайда ұйқы салына түсудің алдын алу шараларын қарастыруға болады.

Дәрігерлердің айтуынша адамдардың ұйқы салына түсуі мына жағдайларға байланысты:

Аз ұйықтау;

Ұйқы тәртібінің бұзылуы;

Күйзеліс және депрессия;

Кейбір дәрілік препараттардың кері әсері;

Ұйықтар алдында дұрыс тамақтанбау;

Шалқасынан жату;

Ислами тұрғыдан

Бастырылудан құтылу үшін ұйқы алдында да намазға дайындалғандай дәрет алып жатыңыз.

"Әузу-бисмилләһи минашшайтани ар-раджиим" сөзін айтып, оң жағымен жату керек.

Аят-әл курси, үш Ихлас, Фатиха, Фәлақ және Нас сүрелерін оқу керек. Одан кейін үш рет «Әстағфируллаһәл азыйм әлләзи лә иләһә иллә һу» оқу керек.

Пайғамбарымыз (с.ғ.с.) «Үйінде Фатиха мен Аятул күрси оқыған адамға жын мен шайтан сол күні зиян тигізе алмайды. Көз тимейді», - деген. (Дейләми)

Төмендегі хадис шәрифтерде білдірілген дұғаларды оқу керек:«Бисмилләһилләзи лә йәдурру мә’асмихи шәй ун фил әрди уә лә фиссама’и уә хуәссәми’ул алим» дұғасын азанда 3 рет оқыған адамға кешке дейін, кешке оқығанға азанға дейін ешқандай бәле келмейді.» (Ибн Мажа) «“Әузу бикәлимәтил-ләһит-таммәти мин шәрри мә халәқа” дұғасын оқыған адамға, сол жерден кеткенге дейін ешнәрсе зиян бере алмайды.» (Мүслим)

Ummet.kz