500 жыл бойы Испанияның Гранада қаласында орналасқан белгілі Альгамбра сарай қабырғасында бес уақыт мұсылмандарды намазға шақыратын — азан үні естілмеген болатын.

Al Arabiya телеарнасының хабарлауынша, өткен бейсенбі күні сириялық мұсылман Муаз Әл-Насс бұл жағдайды түзетіп,  Альгамбра сарайында тұңғыш рет азан шақырылған.

Тарихи ғимарат қабырғасында мұсылмандарды намазға үндеп шақырылған азан үні бейнеленген бейнеролик Facebook әлеуметтік желісіне салынып, оны миллионнан астам адам қарап үлгерген екен.

Альгамбра сарайы Гранада қаласының мұсылман билеушілерімен 1330 жылдары Юсуф I-дің әмірлік еткен кезеңінде салынғаны белгілі.

1492 жылы Гранада христиан билеушілерінің қол астына өтеді де сәулет-парктік кешеніндегі мешіт орнына католик шіркеуі пайда болған.

muftyat.kz

Құран Кәрімде: «Расында, адам баласын ардақтадық, сондай-ақ оларды құрлықта да, теңізде де көліктендірдік. Әрі оларды жақсы нәрселермен қоректендірдік. Әм оларды жаратқандарымыздың көбінен неғұрлым артық жараттық», – деп айтылған.