Джерба аралында өз тарихына тән көптеген мешіттер салынған. Бұл қатарда елдің қауіпсіздігін қорғау мақсатында қамал ретінде тұрғызылған құлшылық үйлері де болған көрінеді.

Бұл суреттерде көрсетілген мешіт Тунистің Седуйкеш қаласында орналасқан, осы сипаттағы сәулет өнеріндегі тың шешімнің ерекше үлгісі. Жер бетінен сәл ғана көрінетін күмбездің қос терезесі әскерилерге тиімді көздеу-барлау нысанасы қызметін атқарған. Өз уақытында мешіттің жерасты жол өткелдері жылдың аптапты ыстық маусымында да қолайлы температураны сақтап келді.

Ал айрықша құлшылық үйінің құрылысы шамамен 1 000 жылдың бұрын бой көтерген. Мешіт өзіне тән михраб және мінбер сынды барлық атрибуттарды да қамтыған.

 hibatulla.kz

Саңлақ сахабалардан Әбу Һурайра (р.а.) риуаятында хазреті Мұхаммед (с.ғ.с.): «Кімде-кім үйінен тазаланып (үсті-басы, киім-кешегі таза боп, дәретін алып) Алланың үйлерінен біріне Алла парыз еткен намаздардың бірін орындауға жүріп барса, оның екі қадамының бірімен қате-кемшілігі өшеді, екіншісімен дәрежесі өседі», – деген.