Жуалы ауданы, Бауыржан Момышұлы  ауылдық  мешітінде  қасиетті Рамазан айының тарауық намазын алдын Әдептілік-көркем сипат туралы жамағатқа уағыз айтылды.

Мешіт имамы Сейтқазы Әбдірұлы Рамазан айына берілген тапсырма бойынша  «Отыз күнге отыз уағыз» аясында- Адамның сыртқы келбеті қаншалықты сұлу болғанымен, оның шынайы болмысы мен ішкі руханияты тек әдептілік арқылы ғана көрініс табады. Әдептілік – адам бойындағы ең асыл қасиеттердің жиынтығы әрі рухани кемелдіктің айқын белгісі. Ол жай ғана қоғамдық ережелерді сақтау емес, ол – өзгелерге деген терең құрмет, кішіпейілділік және парасаттылық.

«Әдепті дегенше, әдемі десеңші» деп халық даналығы бекер айтпаса керек. Себебі бойына ізгілікті сіңірген жанның сөзі – шипа, ісі – өнеге, ал болмысы айналасына нұр шашып тұратын көркем сипатқа ие болады,-деп тарауық намазы алдын әсерлі  уағыз айтты.

Жуалы аудандық мешітінің баспасөз қызметі.