Әлемге белгілі Голливуд әртісі әрі БҰҰ ерікті елшісі Анджелина Джоли АҚШ президенттігіне үміткер, республикалық партия өкілі Дональд Трамптың мұсылмандарға қатысты көзқарасын сынға алды.
Джоли саясаткердің мұсылмандарды АҚШ-қа кіргізбеу туралы пікірімен мүлде келіспейтінін жеткізді. Оның айтуынша, Құрама штат өз бостандығы жолында, әсіресе, сенім еркіндігін сақтау үшін әлемнің барлық халықтарының келуімен құрылған.
Сонымен қатар, ол АҚШ президенті лауазымына сайлауға түсуші үміткер тарапынан мұсылмандарға қатысты жағымсыз пікір айтылуын да құп көрмейтінін атап өтті.