Окленд университетінде (Мичиган штаты, АҚШ) студенттер үнемі   «Мұсылманнан сұра» акциясын өткізіп тұрады. Бұл акция барысында қатысушылардың Ислам туралы сұрақтарына жауап қана берілмейді, тегін бәліштер мен шоколадтар таратылады.

«Әлемде болып жатқан оқиғалар мен мұсылмандарға БАҚ-та беріліп жатқан сипаттамаларды ескере отырып, америкалық мұсылмандар яғни біздің міндетіміз – адамдарға шын мәнінде біздің кім екенімізді және дініміз қандай екенін түсінуге көмектесу деп білеміз» — дейді оқу орнының Мұсылман студенттер ассоциациясының президенті Сумайя Мастер.

Көптеген адамдар Ислам туралы ашық сұрауға ұялады. Ал тегін дәм ұсынылғанда неғұрлым көп адам қатысады және әңгіме еркін өрбиді.