Түрік елінің Элязыг қаласында тұратын Зеки Гюр есімді шопан «Фырат» университетінің Жаратылыстану факультетінде физика саласы бойынша білім алатын болады. Алпыс үшке келген ақсақал оқу-білімнің қай кезде керектігін айтып, аяқталмай қалған арманын жалғастыратынын айтады.

Мектеп бітіргесін аталмыш университеттің физика факультетіне оқуға түскен Зеки Гюр материалдық жағдайына байланысты сол кездері оқуды тастауға мәжбүр болған. Жақында жарияланған ЖОО-на арналған жаңа ережені естіп, оқуын жалғастыруға өтініш білдірген.

Қазіргі кезде екінші курс студенті атанған ақсақал ауылдағы жұмысынан да қол үзбеген. Қойларын қайыра жүріп, сабағын қайталаған қария жақында ұстаздарынан мақтау қағазын да алған көрінеді.