Жуалы ауданы, Қарабастау ауылы,  «Билікөл» мешітінің ауласында 60 адамға арналған құдайы ас берілді.  Ас иелері марқұм ата анасына арнап Құран оқытты.

Мешіт имамы Орынбасарұлы Қуаныш келген қонақтарға -Біздің қазақ ежелден ағайын арасында енші бөлмей, елдің бірлігі мен берекесін қатаң сақтаған, ағайынгершілікті дамытқан мұсылман елдерінің бірегейіміз. Ауыл арасындағы той-томалақтан бастап айшылық жерлердегі тумаларымыздың өлім-жітімінде де ағайынгершілікпен атқарар салт-дәстүрлеріміз  көптеп кездеседі.

Біздің атқарып жүрген ағайын аралық сан түрлі тамаша дәстүрлерімізді «Ағайыннның қадірі торқалы той, топырақты өлімде» деп бір ауыз сөзбен ғана бекіткен елміз. Түптің түбі Алланың бұлжымас заңдылығы туыс-туғанмен қарым қатынасты үзбеуді өмірлік ұстанымызға айналдырған халықпыз,- деп  туыстық қатынас жайлы насихат айтып өтті.

Жуалы аудандық мешітінің баспасөз қызметі.