Бейнежазбада белгілі болғандай, белгісіз ер азамат мешітке еркін кіріп, сөредегі кітапты алып, асықпай ғимараттан шығып кеткен.

Интернет қолданушылары аталмыш азаматтың мешіттің ішкі бөлмелерімен жақсы таныстығын, кітаптардың қайда тұратынын білетіндігін айтып, пікір білдіруде. Осыған қарағанда, ұрлықшы қай уақытта мешіт ғимаратында адамдардың, тіптен имамның болмайтынын да алдын ала білгенге ұқсайды.

Желілерде жария болған бейнежазба ұрлықшыны табу мақсатында таратылған. Пікір қалдырушылардың бір тобы Құран кітабын ұрлау ұрлыққа жатпайды дегенді алға тартуда. Дегенмен, бұл пікірді ұстанушылар қатары аз.