Мешіт шәкірттерінің демалыс күндері қызықты әрі пайдалы шараға ұласты. Ұстаздарының ұйымдастыруымен өткен бұл демалыс барысында шәкірттер табиғат аясында серуендеп қана қоймай, түрлі спорттық ойындарда бақ сынады.

Атап айтқанда, балалар арасында жүгіру, эстафета және кеудені жерден көтеру секілді жарыстар өткізілді. Әр шәкірт белсенділік танытып, өз шеберліктерін көрсете білді. Жарыс соңында жеңімпаздар марапатталып, барлық қатысушыларға көтеріңкі көңіл-күй сыйланды.

Мұндай спорттық шаралар шәкірттердің денсаулығын нығайтып қана қоймай, олардың достық қарым-қатынастарын арттырады. Сондай-ақ, уақытты тиімді өткізуге, бір-біріне қолдау көрсетіп, ынтымақпен әрекет етуге үйретеді.

Табиғат аясында өткен бұл спорттық демалыс шәкірттер үшін ұмытылмас күн болды.

Меркі аудандық «Меркі ата» мешітінің баспасөз қызметі