#Т.РЫСҚҰЛОВ: АУДАНДЫҚ МЕШІТТЕ ЖӘРМЕҢКЕ ӨТКІЗІЛДІ

#Т.РЫСҚҰЛОВ: АУДАНДЫҚ МЕШІТТЕ ЖӘРМЕҢКЕ ӨТКІЗІЛДІ

User Rating: 5 / 5

Star ActiveStar ActiveStar ActiveStar ActiveStar Active
 

 Жамбыл облысы Тұрар Рысқұлов аудандық «Сұлтан» орталық мешітінің ұстазы Шынали Айгерімнің ұйымдастыруымен аудандық мешітте жәрмеңке өтті. Қайырымдылық жәрмеңкесіне мешіттің әйел-қыздар шәкірттері мен жамағаты үлес қосып, өз өнімдері мен тағамдарын жұмаға келуші жамағатқа ұсынып, түскен табысты қайырымдылыққа жұмсады.

Бірде пайғамбарымыз Мұхаммедтен (оған Алланың салауаты мен сәлемі болсын) бір кісі: «Уа, Алланың Елшісі, ең жақсы адам кім?» – деп сұрайды. Сонда ол:

«Ең жақсы адам – қоғамға, елге пайдасы тиген пенде», – деп жауап берген.

Өз отбасымыздан бастап, көрші-қолаң, ағайын-туыстарға, жалпы жұртқа шарапатымызты шашып, қайырымдылығымызды көрсету – мұсылмандық әрі азаматтық борышымыз.

Алла Тағаланың бір адамның ризығы мен нығметін өзге кісілерден артық не кем беріп қоюында үлкен хикмет бар. Демек, байдың малында мұқтаждың хақысы бар деген сөз. Дәулетті кісі Алланың берген нығметін Оның разылығы жолында садақа етсе – үлкен сауапқа кенеледі.

 Қуаныш Түзелбеков

Рысқұлов аудандық мешіттің баспасөз қызметі

ҚҰРМЕТТІ ОҚЫРМАН! ОСЫ ТАҚЫРЫПҚА БАЙЛАНЫСТЫ ПІКІРІҢІЗДІ БӨЛІСЕ ОТЫРЫҢЫЗ.
Жаңалықтардың астында қалдырылған комментарийлер мазмұны asyldin.kz рухани ағарту порталында редакцияланбайды. Сайт комментарийлердің пішіні мен мазмұнына жауап бермейді. Пікір білдірерде тәртіп сақтауды сұраймыз!
пікірлер (0)

Оқи отырыңыз: