Шейх Зайд мешіті – әлемдегі ірі мешіттердің бірі. Ол Біріккен араб Әмірлігінің астанасы Абу-Даби қаласында орналасқан. Араб Әмірлігінің негізін қалаған шейх Зайд ибн Султан ән-Нахайян құрметіне салынған бұл құлшылық ордасы 2007-жылдың Рамазан айынан бастап ресми түрде ашылып, халыққа қызмет етіп келеді.

Құлшылық ордасының алып жатқан аумағы бес футбол алаңына тең келеді, қабырғаларындағы өрнектер мен әшекейлер таза алтыннан жасалған және жалпы шығыны 2 000 000 000 дирхамды құраған.

Бұл мешіт туралы бастама сонау 80-ші жылдардың соңында пайда болған. Алайда, соңғы әрі нақты жоспарлар тек тоқсаныншы жылдардың орта шенінен бастап қолға алына бастаған.

Құрылыс шамамен 11 жыл жүргізілді.