Меркі аудандық «Меркі ата» мешітінің бас имамы Азамат Берікұлы «Ботбай баба» мешітінің жамағатына «Жамағаттың ауызбіршілігі» тақырыбында уағыз-насихат айтты.

Бас имам мешітке жиналған жамағатқа: «Алла Тағала қасиетті Құранда: «Барлықтарың Алланың жібіне (дініне) жармасыңдар, сондай-ақ өзара бөлінбеңдер» (Әл Ғимран сүресі, 103-аят) деген. Осы себепті асыл дініміз мұсылман жамағатын ауызбіршілікте болуға шақырады. Мешіт – құлшылық жасайтын орын, бөлініп өзара тартысып, бүлік шығаратын мекен емес. Қазақ атамыз: «Бөлінгенді бөрі жейді» деген. Дінімізде де бүлік адам өлтіргеннен де ауыр деп айтылады» – деп, жамағатты өзара сыйластыққа, әр мұсылман бауырымызды жақсы көріп, құрметпен қарауға шақырды.

Меркі аудандық «Меркі ата» мешітінің баспасөз қызметі