Тараз қаласы, 3-ші аймақ жетекшісі Есет Тұрдыбайұлы “Усмонжон баба” мешітін зерделеп, оның жұмысын тексерді. Мешіттің ғимараты мен ішкі жағдайын қарап, діни қызметкерлермен және мешітке келуші жамағатпен кездесіп, олардың ұсыныс-пікірлерін тыңдады. Аймақ жетекшісі мешіттің діни қызмет көрсету сапасын арттыру, имамдардың білімін жетілдіру және жастармен жұмыс істеу мәселелеріне ерекше көңіл бөлді.

Есет Тұрдыбайұлы мешіттің тарихы мен маңыздылығына тоқталып, оның рухани және мәдени орталық ретінде рөлін арттыру қажеттігін атап өтті. Сондай-ақ, ол мешіттің инфрақұрылымын жақсарту, әлеуметтік және қайырымдылық жобаларды іске асыру мәселелеріне де мән берді.