Өткен айда Лариша Хокинс есімді профессор әлеуметтік желідегі пікірі үшін Уитон колледжіндегі (АҚШ) қызметінен шеттетілді. Профессор өз сөзінде мұсылмандар мен христиандар бір ғана Құдайға құлшылық ететінін мәлімдеген болатын.

Профессор Хокинс 15 желтоқсаннан әкімшілік демалыста болды. Осы уақытта колледж басшылығы оның діни ұстанымына қатысты талқылау жүргізген.

NPR баслымына берген сұхбатында Лариша Хокинс колледжде оның қызметтен босатылуына байланысты арнайы тыңдалым ұйымдастырылатынына таңданысын жеткізді.

«Мен үшін бұл ең қорқынышты хабар. Тоғыз жыл еңбегімді осы мекемеге арнадым. Гуманитарлық ғылымның христиан түсінігіндегі маңыздылығын жеткізіп келдім» дейді профессор.

«Әлеуметтік желідегі менің пікірім діни уағыз емес, христиан қағидатына сай байсалдылық, толеранттылық» деді Лариша Хокинс.