Бурятияның астанасы Улан-Удэ қаласының орталық мешітінде Пайғамбарымыз Мұхаммедтің (с.ғ.с.) туылған күніне арналған іс-шара өтті.

Мұсылман жұртшылығы қасиетті Құран аяттарын оқып, Пайғамбарымыз Мұхаммедтің (с.ғ.с.) өнегелі ғұмырынан өсиеттер мен хадистерін айтып, саңлақ сахабаларын еске алды. Сондай-ақ, атақты ислам ғалымдарының зерттеулерін баяндады.

Аталмыш мерекелік іс-шараға дағыстандық мұсылман жамағаты да қатысты.

Мәулітке қатысушылардың пікірінше, айтулы мереке өте қажет. Өйткені, бұл шара мұсылмандардың жүрегіндегі иманды күшейтіп, Аллаға деген махаббатты арттырады.

hibatulla.kz