Дін мен дәстүр бағыты бойынша Талас ауданы Бостандық ауылы "Төртбай ата" мешітінің имамы Түзелбай Зулфухардың ұйымдастыруымен ауыл ақсақалдарының арасында бата жарысы ұйымдастырылды. Аталмыш жарыс өте қызықты әрі тартысты өтті.

Аузы дуалы ақсақалдардың ішінен жеңімпазды анықтау қиынның қиынына соқты. Әділ қазылардың шешімімен мешітіміздің ақсақалы әрі ауылымыздың ақылгөйі Әділхан қария бас жүлдені жеңіп алды. Қариямызға диплом әрі 50мың теңге сыйақы табысталды. Іс-шара соңында Түзелбай Зулфухар сөз алып, аталмыш шараның қазақи дәстүрімізді дәріптеуде аса маңызды екендігін әрі осындай игі бастамалар алдағы уақытта да жалғасын табатындығын тілге тиек етті.

"Төртбай ата" мешітінің баспасөз қызметі