Қасиетті Құрбан айт қарсаңында  Меркі ауданы бас имамы Азамат Берікұлының басшылығымен  Меркі ауданына қарасты имамдардың алқалы жиыны бас өтті.

Жиналыс Джаныкулов Нұрбек имамның қасиетті Құран аятын оқумен басталып, Алтынбек имамның бата беруімен жалғасты. Алқалы жиында бас имам Азамат Берікұлы сөз сөйлеп,  қасиетті Құрбан айттың ұлық мейрам екенін айтып, халықтың санасында мереке ретінде қалу керектігін атап өтті.

Сол үшін әр мешіт өз жамағаттарымен ақылдасып, шамасына қарай ұлттық дәстүрімізді дәріптеп, спорттық шаралар қой көтеру, гір тасын көтеру, білек күшін сынау, арқын тарту жән т.б. шаралар ұйымдастыруды тапсырды. Мешіт ауласына Құрбан айтқа қатысты баннерлер ілуді бұйырды. Мешіт ішкі-сыртқы тазалығын қадағалуды тапсырды. Жиын соңында елімізге, жерімізге дұға жасалды.

Меркі аудандық «Меркі ата» мешітінің баспасөз қызметі