Жамбыл облысы Байзақ ауданына қарасты V аймақ жетекшісі Әли Олжабайұлы Мәдімар ауылдық «Мәдімар» мешітінің жамағатына уағыз айтып, жұма намазын жүргізді.

Әли Олжабайұлы насихатында: «Асыл дініміз исламның қайнар бұлағынан сусындап, имандылықты дәстүрімен сабақтастыра білген халқымыз қашан да ата-ананы сыйлап, олардың ақ батасын алуға тырысқан. Алла Тағала қасиетті Құранның «Ахқаф» сүресі, 15-аятында:«Біз адам баласына ата-анасына жақсылық жасауды өсиет еттік», – деп айтқан.

Жаратушының адам баласына әмір еткен осы бұйрығын жете түсінген ата-бабаларымыз: «Алты аға бірігіп – әке болмас, жеті жеңге бірігіп – ана болмас», – деп ата-ананың орны мен дәрежесін жоғары қойған», - деді.