Жамбыл облысы Байзақ ауданы Үлгілі ауылдық «Әбдімажит» мешітінің имамы Қайыржан Пердебайұлының  ұйымдастыруымен «Ізгі қоғам ізгілікке бастайды» тақырыбында ауыл жастарымен және ақсақалдарымен кездесу өтті.

         Шарада ауыл имамы: «Ізгі қоғам құру сыйластықтан, бауырмалдықтан, кішіпейілділіктен, кешірімнен, жалпы айтқанда ізеттіліктен басталады. Үлкен ата-әжелеріміз бізге өсиет айтқанда «бір-біріңді тіріңде құрметтеңдер» деп отырушы еді. Өсе келе бұл сөздің мәнін ұға бастадық. Махамбет Өтемісұлы өлеңдерінің бірінде тіріңде сыйласпасаң, өлгенде жылама, деген ойды алға тартады. Қазір, өкінішке қарай, адамдардың тірісінде қадіріне жете алмай жатырмыз», - деді.