Меркі ауданына қарасты «Жүніс молда» мешітінің ұстазы Есеналиев Еламан жиналған жамағатқа «Намаз – діннің тірегі» тақырыбында уағыз-насихат айтты.

Еламан ұстаз дініміз Исламда Намаздың қадір-қасиеті жайлы айтып, өз сөзінде: «Әбу Һурайра(Алла оған разы болсын)  Пайғамбарымыздың (Алланың салауаты мен сәлемі болсын) былай дегенін естіген: «Қиямет күні пенденің амалдарынан ең әуелі сұралатыны – намаз. Егер намазы дұрыс болса, онда пенде қуанышқа бөленіп, игілікке қол жеткізеді. Егер намазы дұрыс болмаса, онда апатқа ұшырап, қайғыға түседі. Егер оның парыз амалында кемшілік болса, Хақ Тағала: «Оның нәпіл амалдары бар ма екен? Онымен парыздардың кем-кетігін толтырсын» - дейді. Оның басқа амалдары да тәрізді есептеледі». Демек мұсылман адам ең алдымен намазға аса сақтықпен қарап, бар ықылас жігерін салу керек. Намазсыз мұсылман адамның өмірі бос» -  деп жамағатты бес уақыт намазға берік болуға шақырды.

Меркі аудандық «Меркі ата» мешітінің баспасөз қызметі