Меркі аудандық «Меркі ата» мешітінің бас имамы Азамат Берікұлы «Жүніс молда» мешітінің жамағатына жамағаттың ауызбіршілігі жайлы уағыз-насихат айтты.

Мешітке келген жамағатқа бас имам: «Алла Тағала қасиетті Құранда: «Барлықтарың Алланың жібіне (дініне) жармасыңдар, сондай-ақ өзара бөлінбеңдер» (Әл Ғимран сүресі, 103-аят).» - деген. Осы себепті де асыл дініміз мұсылман жамағатын ауызбіршілікте болуға шақырады. Мешіт бұл құлшылық жасайтын орын, бөлініп өзара тартысып, бүлік шығаратын мекен емес. Қазақ атамыз: «Бөлінгенді бөрі жейді» - деген, дінімізде де бүлік бұл адам өлтіргеннен де ауыр деп айтылады» - деп жамағатты өзара сыйластыққа және әр мұсылман бауырымызды жақсы көріп оған құрметпен қарауға шақырды.

Меркі аудандық «Меркі ата» мешітінің баспасөз қызметі.