Жамбыл облысы Байзақ ауданы Мырзатай ауылдық округі әкімдігінің мәжіліс залында аудан бас имамы Қанат Әділханұлы әкімдік қызметкерлері және  ауыл тұрғындарымен кездесті.

         Кездесу барысында бас имам Қанат Әділханұлы: «Ислам дінінде отбасы бірлігіне айырықша маңыз берген. Отбасы - исламда баға жетпес құндылықтар ретінде әспеттеледі. Қоғамның отбасыдан басталатындығын ардақты пайғамбарымыз (Оған Алланың игілігі мен сәлемі болсын) жете түсініп, тұтас қоғамды таза ұстаудың бірден-бір кепілі – отбасы тәрбиесі мен жанұя құндылықтарында екендігін меңзеп кеткен.

Ардақты пайғамбарымыз (Оған Алланың игілігі мен сәлемі болсын): «Ер кісі отбасының бақташысы, сондықтан ол қол астындағыларға жауапты», - деген. Осыған қарап-ақ отбасы мүшелерінің өзара міндеттері исламда анық көрсетілген. Отбасын асыраушы ретінде ер адамның жауапкершілігін айқындап өткен», - деп «Исламдағы отбасы құңдылықтары» тақырыбында насихат айтты.