Ата-бабамыз осындай қысқа жіп күрмеуге келмейтін қысылтаяң шақтарда ауызбіршілікті, адалдықты, ынтымақты ту етіп көтерген. Әсіресе, көптің мәселесін қара бастың қамынан жоғары қойған. 

Шу қаласы "Кәрібай молда" мешітінің әйел-қыздар секторы ұстазы Ғалия Байториеваның ұйымдастыруымен су тасқыны салдарынан қиын жағдайға тап болған бауырларға көмек көрсету мақсатында мешіт ауласында жәрмеңке жасалды. Қыз-келіншектер түрлі тіске басарлар мен тәттілер пісіріп жамағатқа ұсынды. Жәрмеңкеден жалпы 72 470 теңге  қаражат жиналып, республикалы қорға аударылды. 

Шу аудандық "Жәми" мешітінің баспасөз қызметі