Калифорния (АҚШ) штатында тұратын Марьям Масуд есімді мұсылман қызы Дисней мультфильмдеріндегі кейіпкерлерді шариғат талаптарына сай киіндіруді қолға алыпты.

Жастайынан сурет салуды жақсы көрген Марьямның бұл қабілетіне бастапқыда ешкім мән бере қоймаған. Кейінірек ол «Ислам бояулары» атты суреттер топтамасын шығарғанда барып, айналасындағылар оның талантын тани бастайды. Ол өзінің бұл топтамасында мультфильм кейіпкерлеріне хиджаб кигізіп, бала қиялының ұшқырлығын танытқан.