Жамбыл облысы Байзақ ауданы Бурыл ауылдық «Шолпан Дәуіт» мешітінің имамы Қанат Тұмарбекұлының ұйымдастыруымен мешіт жанынан құрылған «ақсақалдар алқасына» семинар өтті.

Семинар жұмысына Байзақ ауданының наиб имамдары Баешов Азамат және Сағымбаев Бақытбек қатысып, «Ізгі қоғам құрудың тиімділігі» және «Дін мен дәстүр құндылықтары» атты тақырыптарды қозғап ортаға салды.

Азамат Баешов семинар барысында  ізгі қоғам қалыптастыруда, діни сала мамандары мен ақсақалдардың жұмысы аса маңызды екендігін айтып, рухани саланың заман ағымына сай көшпен бірге жаңарып, қарқынды қызмет атқарылуы қажеттігін сөз етті. Сондай-ақ, ақпарат тарату тұрғысынан барынша жаңашыл құралдарды тиімді қолдану керектігін айтты.