Жамбыл ауданы, Сұлутөр ауылы, «Хаджи Тамаль Мадина» мешітінің молдасы Ансар Абилов «Дін мен дәстүр сабақтастығы» тақырыбында жамағатқа насихат айтты. Тақырып жан-жақты талқыланып түсіндірілді.  «Құранда: «Әй адам баласы! Күмәнсіз сендерді бір ер, бір әйелден жараттық. Сондай-ақ (мақтану үшін емес) бір-біріңмен танысып-білісу үшін сендерді ұлт-ұлтқа, ру-руға бөлдік. Расында Алланың құзырында ең ардақтыларың тақуалықта ең жақсы болғандарың. Шүбәсіз Алла толық білуші, әр нәрседен хабардар болушы» - деп, Алла тағаланың өзі ұлт пен ұлыстарға бөлгендігі айтылған. Ол әр ұлттың өзіне тән ерекшеліктері бар деген сөз. Өзінің мәдениеті, салты, әдет-ғұрыптары. Дін мен қоса салт-дәстүрінде бірге алып жүруге меңзегендей, бірақ аятта ескертілгендей мақтану мен бөліну үшін емес» - деп дін мен дәстүр тек бірігуге шақыратындығын атап өтті.

 Шара соңында сұрақтарға тұшымды жауаптар берілді. Шараға 21 адам қатысты.