Жамбыл ауданы "Бәйдібек" мешітінің ұстазы Ж.Бекназарова ауданға қарасты Тоғызтарау, Қарасу, т.б. ауылдарды аралап, "Діни әдебиеттерді пайдалану" бойынша нұсқаулық көрсетіп, жеке қабылдау өткізіп, ауыл қыз- келіншектерінің діни-шариғи сауалдары мен мәселелеріне жауаптар мен кеңестер берді.

Шара дәстүрлі ата-баба дініміз - Исламның ізгілік діні екендігін түсіндіріп, ауылдық тұрғындардың діни сауаттылық деңгейін арттыруға үлес қосу мақсатында жасалды. Нәтижесінде, ауылдықтар ұстазға алғысын айтып, осындай шаралардың жиі болғанын құптайтынын білдірді.