Талас ауданы, Бостандық ауылы, "Төртбай ата" мешітінің ұйымдастыруымен Бостандық ауылдық огругы әкімі Мұратхан Рысдәулетов кісімен бірге ауылдағы дүкендерді аралап, ішімдік сатпауға шақырып, "Ішімдіксіз ауыл" жобасын түсіндіріп, ішімдіктін қоғамға, адамның өміріне, отбасылардың шырқы бұзылуына, үйдің берекесі кететін зардаптарын айтып түсіндіру жұмыстары жүргізілді.

"Ішімдіксіз ауыл" жобасы осыдан 4 жыл бұрын қолға алынып, түсіндіру жұмыстары жылда жалғасып келеді. Осы қарқынмен жүргізіліп жатқан жұмыстардың нәтижесінде, дүкен иелерінің түсінігі мен қолдау білдіруінің арқасында, ішімдік сатпайтын дүкендердін қатары ауылда көбейіп келеді. Басқа дүкен иелерінің ішімдік сатуды жақын күндері қоятындарына уәделерін алып қайттық.