Жамбыл облысы Байзақ ауданы «Байзақ баба» мешітінің бас имамы Қанат Әділханұлы ауыл имам-молдаларының жұмыстарының сапасын арттыру мақсатында «аудандық тәртіп кеңесін» құрды. «Кеңестің» құрылудағы мақсаты ауыл имам-молдаларының жеке шиеліністі мәселелерін дер кезінде шешіп отыру, тұрмыстық зорлық зомбылыққа жол бермеу, ҚМДБ бекіткен жоспарлы іс-шараларды бақылау және ауыл дін қызметкерлерінің өзге облыстарға шығатын жағдайда сұранып кету мәселесін қадағалау болып табылады. Тәртіптік кеңесте қаралған мәселер бойынша ескертулер жазбаша беріліп отырады», - деді аудан бас имамы.

Аудан бас имамының ұсынысымен тәртіп кеңесінің төрағасы болып «Байзақ баба» мешітінің наиб имамы Мұхит Ермаханұлы, кеңестің мүшелері болып «Аққия» мешітінің молдасы Қадірбек Әбенұлы, «Сухамбай» мешітінің молдасы Скендиров Бакубек, «Ақыл ата» мешітінің молдасы Ахмет Жетпісбайұлы, «Тілеш қажы» мешітінің молдасы Рахымбек Кенжебайұлы, «Базарбай» мешітінің молдасы Ербол Қасқырұлы және «Аймантөбе» мешітінің молдасы Кенжехан Өксіпбайұлы бекітілді.