Меркі ауданы, Андас батыр ауылы «Андас батыр» мешітінің имам Ташкентбаев Амангелді бастаған мешіт жамағаты ауылдық округке қарасты 4 мешіт жамағатының басын қосып, «Рағайып түнін» ақ дастархан жайып, қарсы алды.

Жиында ауыл имамдары «Рағайып түні», Ережап, Шағбан, Рамазан айлары және қасиетті түндер, парыз амалдар, тыйым салынған істер, жәннәт пен ақырет күні туралы уағыз насихат жүргізді.

Жиын соңында жамағаттар көкейлерінде жүрген сұрақтарын қойып, жауаптарын алды. Ауыл жамағаттары осы игі іс-шараны ұйымдастырып отырған мешіт қызметкері мен жамағаттағы ағалар мен бауырларымызға алғыстарын білдіріп, рахметтерін айтты.

Меркі аудандық «Меркі ата» мешітінің баспасөз қызметі