Шу ауданы Еңбек ауылында салынып жатқан мешіт құрылысы белгісіз себептермен тоқтап қалған еді. Осыған орай "Жиенбет Жексенбай" мешітінің имамы Шүкірәлі Бердібеков ауылдың ақсақал-қарасақалдарын, жастарды жинап насихат жұмыстарын жүргізді.

Шайтанның сұсын қашыратын, елдің рухын асыратын рухани әңгіме, дағуат ұйымдастырып, имам көпшілікті игілікке ат салысуға шақырды. Көп түкірсе көл демекші, иманды елдің себебімен мешіт қабырғасы көтеріліп бітті. Ендігісі жамағат жабылып мешіт шатырына қамданып жатыр.

Ауызбіршілігі мығым, тату-тәтті ел барда, ауыл барда бітпейтін іс, түгесілмейтін тірлік қалмас. 

Шу аудандық "Жәми" мешітінің баспасөз қызметі