Жамбыл облысы Байзақ ауданының бас имамы Қанат Әділханұлы, Қостөбе ауылдық «Қостөбе» жамағатымен кездесіп жұма намазын өткізді.

 Қанат Әділханұлы: «Алла Тағала адам баласының бойына жақсы және жаман мінезді қоса жаратқан. Мұның өзі адам баласы үшін үлкен сынақ. Құран адам бойындағы ондай теріс мінездерді тәрбиелеп, өзгелерге зиян беруден тыю керектігін үйретеді. Осы себептен де Алла Тағала тақуа құлдарын сипаттағанда:  «Ашуларын жұтушылар (жеңушілер)», – деп айтқан. Демек, тақуа адамға да ашу келуі мүмкін. Алайда тақуа жанның өзге адамнан артықшылығы – келген ашуына ие болып, өзгелерге тілімен не қолымен зиян келтіруден нәпсісін тыйып, ашуын жұта біледі», - деп «Ашу дұшпан, ақыл дос» тақырыбында мешіт жамағатына насихат айтты.