Жамбыл облысы Байзақ ауданы «Байзақ баба» мешітінің бас имамы Қанат Әділханұлының ұйымдастыруымен мешіт жамағатымен кездесуге Ризабек Батталұлы келді.

Ризабек Батталұлы насихатында: «Әбу Һурайра (р.а.) жеткізген хадисте: «Жеті түрлі адамға Алла Тағала ешбір сая жоқ күні аршының көлеңкесінен жай береді. Олар: Әділ имам (басшы); Аллаға бойұсынып, ғұмырын құлшылықпен өткізген жас жігіт; Мешітке жүрегі байланған кісі; Бірін-бірі Алла үшін жақсы көріп, Алла разылығы үшін бас қосып, Алла разылығы үшін мәжілістерінен айырылатын екі адам; Мансапты да көрікті әйел шақырғанда «мен Алладан қорқамын» деп харамнан қашқан ер кісі; Оң қолы бергенін сол қолы білмейтіндей жасырын садақа еткен кісі; Жалғыз қалғанда Алла Тағаланы еске алып, егіліп көзіне жас алған адам», - деп «Аршының көлеңкесінде болатын 7 түрлі адам» тақырыбында уағыз  айтып, жамағат қойған сұрақтарға мардымды жауап берді. Жамағат бұл кездесуден айтарлықтай рухани азық ала алды.