Мешіт имамы Ильдар Аляутдиновтың айтуынша, мұражайға қадам басушылар қарасы көп. Келушілер Мәскеуден тыс өлкелерден де бар. Олар алдын ала жазылып, мұражайды тамашалай алады.

Мұражайдағы ерекше экспонаттар қатарында ежелгі Құран қолжазбасы, қисуа (Қағба жамылғысының қиындысы) мен өзге де ислам тарихынан хабар беретін құнды заттар бар. Сондай-ақ, Мұхаммед пайғамбардың (с.а.с.) сақалына арналған ыдыс та осында. Айта кетейік, Шешенстан басшысы Рамазан Қадыровтың қатысуымен, пайғамбар сақалын мешітке тапсыру салтанаты 6 қазанға жоспарланған.