"1 қазан - Қарттар күні" Шу ауданы "Төле би" мешітінің имамы Талғат Кәрібайұлының ұйымдастыруымен аталған мешіттің алқа мүшесі болып отырған ата-апаларға құрмет көрсетілді. 

Имамдар қариялардың үйлеріне зиярат етіп барып, қал-жағдайларын сұрап, қорап толы сыйлықтарды табыс етті. Шараға аудан имамы Алмас Кенжемолдаев арнайы қатысты.

Имамдар ауыл ақсақалдарымен танысып, қарияларға жылы лебіздерін білдірді. Ақсақалдарымыз бен ақ жаулықты әжелеріміз рақметтерін жаудырып, баталарын берді.

Шу аудандық "Жәми" мешітінің баспасөз қызметі