Сауд Арабиясының «Ат-Тай» клубында өнер көрсететін неміс футболшысы Роберт Бауэр әлеуметтік желіге намаз кезінде түскен суретін жариялап, әйелі мен оның отбасының арқасында исламды қабылдағанын айтты, деп хабарлайды Free Press Journal.

«Бүгін маған хат жазған әрбір адамға әйелім мен оның отбасының арқасында Исламға келгенімді айтамын. Бұл сапар көп жылдарға созылды. Рухани сапарымда маған көмектесіп, қолдау көрсеткендердің барлығына алғыс айтамын», – деп жазды ол.

Бұған дейін Бундеслиганың бірнеше клубтарында, сондай-ақ Бельгия мен Ресейде ойнаған Бауэр осы жылдың мамыр айында саудиялық клубпен бір жылдық келісімшартқа қол қойды.