«Біз Израиль басқыншыларының мұсылмандарды әл-Ақса мешітіне кіруіне тыйым салып отырған кез келген әрекеттеріне қарсымыз» деп мәлімдеді Палестина басшысы Махмұд Аббас Мәскеу орталық мешітінің ашылу салтанатында сөйлеген сөзінде.

Аббас сондай-ақ, халықаралық қауымдастықтардан «Иерусалим мен Палестинадағы мұсылмандар мен христиандарға Палестина жері израильдік басқыншылар келмей тұрғанда қандай қауіпсіздікте болса, дәл солай қамтамасыз етілуін, әл-Ақса мешітіне қатысты жаулық, қаскөйлік шабуылдар болмауын» талап етуге шақырды.