Бүгінде Сауд елінде тұрмыста болмаған қызға төленер қалыңмал құны 50 000 риал (13 000 доллар), ал жесір немесе бұрын тұрмыста болған, ажырасқан болса 30 000 риалға (8 000 доллар)  бағаланады.

Ата-аналар тарапынан талап етілер қалыңмал ақыларының жоғары болуына байланысты елде тұрмыс құрмаған әйелдер саны күрт артып кетті. Осы себептен көптеген ер азаматтар қалыңдықты шетелден алғанды жөн санауда. 2010-2014 жылдар аралығында тұрмысқа шықпаған саудиялық әйелдер саны 1,5 млн-нан 4 млн-ға жетті.

Ханзада Халид әл-Файсал Сауд Арабиясы губернаторлары мен билік өкілдерін елдің барлық өңірі үшін қалыңмал құнының шекті көлемін белгілеу мақсатында арнайы конференция өткізуге шақырды.