Мысырлық ғалымдардың айтуынша, содырлар ендігі жанкештілерін бүкіл мұсылман әлеміне жарылыстар ұйымдастыруға таратуды жоспарлап отыр. ИШИМ өздерінің «ислам діні мен мұсылмандарды қорғау» ұранымен өз жұмыстарын жүргізуге ыңғайлы, тыныш аудандарды таңдамақшы.

Египет дін мамандары Орта Азия, Кавказ және Индонезия елдерінде ИШИМ содырлары өз жақтастарын тез жинайды деп топшылайды. Себебі, бұл аймақтағы халық ИШИМ лаңкестерімен аса қатты таныс емес және араб тілді адамдардың айтқанына тез еріп кетуі ықтимал.

«ИШИМ-нің бұл реттегі мақсаты «халифат» құру емес, өз қатарларын толтыруға, адам тартуға бағытталған» делінген мәлімдемеде.