Естеріңізге сала кетейік, бейсенбі күні Саудия әскери базасы аумағында жарылыс болды. Жанкешті лаңкес арнайы қызмет өкілдеріне арналған мешіт жанында өзін-өзі жарып жіберген. Уақиға бесін намазы уақытында болып, салдарынан 15 адам қаза тапты. 9 адам жарақат алды.

Абдел Әзиз бен Абдалла әл Шейх мүфти «Адамзат табиғатына да, дін қағидасына да жат бұл қылмыстық әрекет, құлшылық етіп жатқан адамды өлтіру – осыны жасаған адамдардың дінсіз екенін көрсетеді» деп мәлімдеді.  

Мүфти барлық дін қызметкерлерінен ИШИМ террористік ұйымының адамзат өміріне зияндылығын халыққа түсіндіріп, жастарды жат ағымнан қорғауға шақырды. 

ummet.kz-ақпарат