Шу өңіріне қарасты барлық мешіттер қасиетті Құрбан айт мерекесін айт намазынан бастады. Мешіттеге жамағат лық толып, тәшриқ тәкбірлер айтыла бастады. 

Мешіт имамдары құттықтау сөздерін айтып, мерекелік уағыздарын жүргізді. Барлық мешіттердің ауласында спорттық ойындар жүргізіліп, білекті, мықты азаматтар жүлделі сыйлықтарын иеленді. 

Балаларға арналып батуттар құрылып, балмұздақтар таратылды. Әйелдер жамағаты да айттық дастарханда бас қосып, бірін-біріне сыйлықтар тарту етті. 

Мерекелік шаралардан соң көпшілік құрбандыққа мал шалып, етін мұқтаж отбасыларға таратты. 

Шу аудандық "Жәми" мешітінің баспасөз қызметі